【Emily】爭做IT委會主席 何君堯嗌DQ莫乃光

【明報專訊】立法會多個事務委員會先後選出正、副主席，不過，由資訊科技界議員莫乃光主持選舉嘅資訊科技及廣播事務委員會、民主黨鄺俊宇主持嘅福利事務委員會，噚日再開會都未能選出主席。建制派何君堯競逐資訊科技及廣播事務委員會主席，佢噚日喺會上話莫乃光編排表面公平、實際上不公正，話如果下個會議都未選出主席，會敦請立法會主席梁君彥革除佢資格，「簡單講句，係DQ你」。