【明報專訊】星期日係重陽節，唔少市民都會登高祭祖。公務員事務局長聶德權噚日去到和合石「浩園」（圖），向72位因公殉職嘅公務員獻花，話要代表其他同僚表達哀悼及敬意。聶德權於4月調任公務員局，佢話將迎來出任該局局長以來首個重陽，噚日喺facebook發文，講到浩園旁嘅「景仰園」，係10年前馬尼拉人質事件中過身港人嘅墓園，佢憶述當年事發後，社會福利署聯同多個政府部門為死傷者家屬提供支援，「當時我為社署署長，今日以另一身分表達哀思」。
