【Emily】「無奈」交欠租 田北辰斥地產霸權 不滿疫下海港城舖「一個崩無減」

【明報專訊】經營時裝品牌G2000嘅立法會議員田北辰，早前同海港城大業主九倉置業因租金一事爭拗，G2000今年欠交部分租金；G2000近日收到九倉向區域法院申請嘅入稟狀，勒令G2000要喺周五前交番380萬元欠租。田二少之前一直企硬，但話今次若唔交番錢，G2000有可能遭入稟清盤，故無奈屈服。佢大罵業主係「地產霸權」，疫情至今一蚊租都無減過，地產商邊個係人邊個係鬼，今次買咗個教訓。

相關字詞﹕海港城 地產霸權 田北辰