【明報專訊】中大原定周六（10日）舉行講座，邀請行會成員、資深大律師湯家驊（Ronny）演講，題為「我的律師生涯、從政之路及年輕人職業發展的建議」；今次講座由早前喺盂蘭節期間執走路邊祭品煮食嘅中大政治及行政學系助理教授李薇做主持，呢個組合引起唔少討論，唔少中大學生都十分期待，亦有人喺facebook專頁「CUHK Secrets」上載咗Zoom會面嘅ID同密碼。不過Emily得悉，中大噚日發電郵畀學生，話因為講座同中大入學資訊日撞期，為咗確保有足夠IT、職員支援講座，所以決定延期咁話，原本有意聽講座嘅學生要再等等喇。