【Emily】九巴開新線98號 小粉先影為快

【明報專訊】將軍澳隧道收費廣場往將軍澳方向巴士轉乘站噚日啟用，暫時有25條巴士線停該站，包括九巴新開嘅98號循環線，來往將軍澳工業邨同牛頭角站；新巴就新開一條797號循環線，來往日出康城同九龍灣。首日啟用適逢長假期，等巴士嘅人唔多，不過有小巴士迷就專程到新站，同首日行駛嘅九巴98號新線合照，仲將現場職員派發嘅新巴士路線宣傳單張放入自備嘅文件夾收藏。現場有職員向市民介紹新路線同埋派發口罩膠套。