【Emily】辦聯署籲德制裁 滑鼠娘娘被建制派狙擊

【明報專訊】被網民稱為「滑鼠娘娘」嘅鄺頌晴（圖）𠵱家喺德國讀書，佢早排喺當地發起聯署，呼籲德國聯邦議會制裁侵害人權嘅中國官員，以及促請德國政府向香港發出旅遊警示等。佢呢個行徑惹嚟建制派及親中傳媒狙擊。《文匯報》噚日報道就搵嚟人大代表陳曼琪等人，話鄺頌晴有可能違反《港區國安法》第29條第4款，即係對中央及特區政府進行制裁、封鎖等敵對行為，又話要追究。