【明報專訊】繼新民黨主席葉劉淑儀後，實政圓桌立法會議員田北辰（前排中）噚日都「奔七」，一班議辦職員同佢慶祝70歲大壽，並將辦公室佈置成生日會咁。田二少喺facebook笑言自己正式成為「真正田七」，又話相信唔少香港人同佢一樣，會將生日願望送畀香港，希望香港盡早走出低谷，再創高峰。踏入七字頭，佢提到「777」原本係「Lucky number兼中Jackpot」，但香港過去年半嘅運情，稱為「當黑」實不為過。佢寄望明天，問：「明年今日，不知會有怎樣的改變，大家又有什麼願望？」
