【明報專訊】喺香港，每60秒，除咗有1分鐘過去，呢兩日仲平均每分鐘有約231人簽名支持押後第七屆立法會換屆選舉。政府上周五宣布將9月立法會選舉押後至明年舉行，建制團體紛紛表態支持，「全港抗疫連線」（下稱連線）上周五晚8點就發起「支持依法押後香港第七屆立法會選舉」網上聯署，截至噚晚9點，49小時內收集到逾68萬個簽名。有網民數住流量，話數字有系統咁穩定增長，唔同階段試過每秒50個、每秒20個、每秒兩個咁。
