【Emily】CY否認全家英籍 話保留告誹謗權利 之鋒籲高官響應放棄外國護照

【明報專訊】前香港眾志秘書長黃之鋒前日畀選舉主任DQ參選資格，佢噚日開記者會回應，特別提到選舉主任話參選人必須「支持、推廣及信奉」《基本法》，對於「信奉」一項佢就話，「我掉轉頭好想懷疑，到底𠵱家啲香港高官，林鄭月娥以至前特首梁振英，佢哋全家都攞住英國護照、做英國人，佢哋又有幾信奉基本法？」全國政協副主席梁振英（CY）立即喺facebook否認有關講法喺事實，批評黃之鋒信口雌黃，保留控告對方誹謗嘅權利。