【明報專訊】民政總署日前去信中西區議會主席、民主黨鄭麗琼，以「相互尊重 理性溝通」為題，批評中西區區議會一直偏離以上原則，甚至有惡化迹象，政府會重新審視政府部門代表出席中西區議會安排，包括唔再派代表出席，確保佢哋唔會受到不合理嘅言語冒犯及侮辱。鄭麗琼同Emily講，政府以往都有唔派代表出席會議，強調對政府代表一直都有「互相尊重 理性溝通」，信中指控唔合理，但如果政府部門人員唔出席，就唯有將議員意見同問題寫信畀相關部門。
