【Emily】血庫存量跌到4日 紅會籲踴躍捐血

【明報專訊】近日疫情嚴重，好多人免得過都唔出街，又或在家工作，食飯都要搵地方，連帶捐血嘅人都大減。紅十字會輸血服務中心行政及醫務總監李卓廣噚日喺港台節目《千禧年代》度話，近一兩個星期去捐血嘅人大減，由原本疫情稍緩期間每日約500人，跌至200幾人，前日就只得260人捐血，香港血庫得番3至4日存量，而血庫存量達10天用量先算理想。