【Emily】港水域白海豚數量回升 5年首次

【明報專訊】社會運作受疫情影響，自然界係咪可以趁機回氣呢？漁護署噚日公布最新中華白海豚監察報告，顯示2019年4月至2020年3月期間，香港水域出沒嘅中華白海豚有52條，多過上年度嘅32條，仲係最近5個年度第一次回升。海豚保育學會副會長何宗信叫大家唔使開心住，話單係一年數量回升唔表示白海豚回歸，要睇埋未來4至5年有無持續升先得。