【Emily】公署開幕建制獲邀 葉太：6點半要去到

【明報專訊】《港區國安法》6月30日晚生效，中央在港成立嘅維護國家安全公署亦極速開幕，由銅鑼灣維景酒店改裝而成，噚日大清早舉行開幕儀式。國安公署都幾神秘，官方無對外發放太多資訊，開幕儀式獲邀嘉賓亦唔算多，但建制派政黨都各有一個領導層獲邀見證，好似民建聯主席李慧琼、經民聯主席盧偉國、新民黨主席葉劉淑儀、自由黨主席張宇人，立法會主席梁君彥、全國人大常委譚耀宗都有出席並合照。同時，只有特定獲邀傳媒先可到場採訪。