【明報專訊】立法會噚日恢復二讀《僱傭（修訂）條例草案》，將產假由10個星期延長至14個星期，但早上口頭質詢期間，未進入審議法案前，一度因為法定人數不足而流會。一眾建制派議員特意帶同4個玩具BB，批評民主派「攬炒」。有兩個小朋友嘅工聯會郭偉強發言時，甚至將3個玩具BB放喺議事廳張枱上，「大家以為我啱啱添丁，係咪想追多個？其實3個小朋友（BB公仔）陪咗我哋（工聯會）十幾二十年」，佢話過去歷屆勞工界代表，由陳婉嫻到王國興、鄧家彪到現任議員陸頌雄，都鍥而不捨講產假、侍產假，引起大家關注，終於令政府心軟，願意將產假延長至14周。