【明報專訊】立法會議員許智峯、朱凱廸、陳志全（慢必）喺審議《國歌法》期間，分別將腐爛植物踢向主席台、潑臭味液體，令會議休會。行管會早前通過向3人追討賠償，佢哋噚日分別收到帳單，阿廸同慢必兩人分別要賠超過11萬元；阿峯就要賠5.2萬（見圖）。阿廸話行管會要求佢喺26號前繳付，唔畀就扣人工，批評「同老屈無分別」；阿峯就話「唔同意，唔會畀」。
