【Emily】區議員幫街坊填表 袁嘉蔚提囚友可拎1萬

【明報專訊】政府向合資格市民派1萬蚊嘅「現金發放計劃」，噚日開始喺郵政局、參與計劃嘅銀行分行等地方派表，另外都可以上網下載表格。不過，攞咗表都唔使心急，因為登記人要按出生年份分3批交表，首批登記者、1955年或之前出世嘅市民可於星期日（21號）起交表。如果唔想填書面登記，大家都可於星期日開始透過網上理財服務或銀行網站登記。