【明報專訊】一直做開新東地區工作嘅工聯會鄧家彪（圖）近日轉戰九龍東，遇上疫情持續，佢都要戴住口罩繼續落區，耕耘「新地頭」。阿彪話，有義工擔心九龍東街坊唔認得佢，所以好有心咁喺政府派發嘅銅芯抗疫口罩上，繡咗佢個名同工聯會嘜頭。阿彪話，可重用口罩都要日日換，啲義工好有心，特別搵多幾個口罩做刺繡送畀佢。Emily好奇嘅係，唔知刺繡一針一針拮落口罩，會唔會影響防疫力呢？
