【明報專訊】民主派下月舉行初選，民協噚日宣布，主席施德來、副主席何啟明分別出戰九龍東同西。民協過往多年都推動泛民初選，何啟明比喻初選就好似「球會」同「國家隊」嘅關係，由球會揀選最好嘅選手去出戰國家隊。咁民協係咪好似立法會前議員馮檢基咁打「中場」（2018年九龍西補選初選，馮檢基自喻係球隊嘅「中場」、負責組織協調、補位防守）？何啟明就笑言，佢哋係打「左翼」。
