【Emily】哽咽稱家人健康出問題 九東柯創盛唔競逐連任

【明報專訊】立法會選舉9月6日舉行，民建聯九龍東立法會議員柯創盛（柯仔）噚晚宣布唔會爭取連任，交代決定時兩度哽咽，話因為家人健康出問題，希望有更多時間陪伴照顧，並自稱「工作狂」，「20多年來對家人有一份愧疚」。佢話呢個決定艱難。據悉，民建聯副秘書長、黃大仙區議會前副主席黎榮浩有機會接棒出戰九龍東。主席李慧琼就話人選喺協調後交中委通過；又話柯仔工作成績有目共睹，呢段時間知道佢要兼顧家庭及工作唔容易，會全力幫佢渡難關。