【Emily】被批雙重標準 律師會函郭榮鏗話沮喪

【明報專訊】網民上月24日發起港島遊行期間，律師陳子遷被襲擊，律師會翌日發聲明譴責。公民黨法律界議員郭榮鏗同日慰問陳，並對律師會即時發出聲明譴責感到震驚，質疑過去一年好多律師被警方侮辱、暴力對待，但律師會視而不見，係雙重標準。律師會會長彭韻僖原來喺6月5日去信郭榮鏗，話對佢嘅言論感到失望和沮喪，佢作為法律界議員面對如此殘暴同公然蔑視法律、秩序嘅行為，即時回應唔係譴責，而係批評他人迅速回應譴責暴力。