【Emily】赤鱲角龍捲水上漂

【明報專訊】最近本港天氣不穩，天文台喺facebook話噚日朝早10點左右，赤鱲角附近有水龍捲報告，並上載由市民喺機場三跑工程地盤拍攝、長約1分鐘嘅水龍捲影片。天文台解釋，龍捲風係雷雨雲伸展至地面嘅一團快速旋轉空氣，水龍捲係喺水面發生嘅龍捲風，本港水龍捲大多數喺5至9月、天氣不穩定時出現。除咗噚日出現嘅水龍捲（圖），翻查天文台紀錄，本港對上一次有水龍捲報告係喺2018年8月，同年天文台有4日錄得水龍捲報告。