【明報專訊】英國首相約翰遜喺英國《泰晤士報》同香港《南華早報》撰文，話會放寬BNO簽證制度，延長免簽入境期限，其間仲可以揾工，變相更易攞到英國公民身分。民主黨國際事務委員會主席劉慧卿寫信去《泰晤士報》回應，先反問約翰遜「如果中方堅持立法，英國將別無選擇地，只能捍衛跟港人的深厚歷史連結和友誼」係咩意思。卿姐話對290萬BNO持有人嚟講，延長留英期限根本畀唔夠信心佢哋，佢哋只會繼續覺得被遺棄。
