【明報專訊】立法會噚日審議《國歌條例草案》，其間出現小風波，話說熱血公民鄭松泰發言期間，會議廳突然發出好嘈嘅聲響，疑似係防狼器嘅聲，保安都搵咗一大輪先搵到。代主席李慧琼（Starry）話要嚴正警告有關議員，民建聯何俊賢要求將蓄意放置儀器嘅議員趕離會議廳，後來Starry話保安、秘書處向佢確認，係民主黨許智峯擺嘅，但許智峯當時已經離開會議廳。當時鄭松泰一直話希望處理好件事先發言，「冇理由佢整緊（搵儀器）我講嘢呀」，搞咗一大輪，最終鄭松泰繼續發言。
