【Emily】炒好股巿 「嗰個女仔」倡張華峰做特首

【明報專訊】全國人大會議提出立「港區國安法」消息一出，上星期五恆指隨即大跌1349點，唔少人都話，市場反應最誠實，可見社會對國安法嘅憂慮。有「嗰個女仔」之稱嘅工聯會立法會議員麥美娟（Alice）噚日就話，過去一年恆指都跌咗唔止千幾點，如果將股票升跌視為可唔可以就國安法立法嘅指標，「我哋應該搵（金融服務界）張華峰做特首，炒好股票市場」，話到時就唔只港區國安法，《基本法》23條都可以立法喎。