【明報專訊】全國政協常委何柱國噚日接受無綫《講清講楚》訪問時承認對特首林鄭月娥「好有意見」，批評林太令香港社會撕裂。被問到係咪需要換特首或有官員要問責落台，何柱國話要視乎佢哋「對唔對得住自己」，佢又批評林太如「大鴕鳥」，「當無事發生」。不過，何柱國話唔敢冒犯林太，「我講吓笑咋，我唔敢冒犯佢，佢已經（喺）背脊插得我多，一刀刀斬落嚟」，言畢便無再透露更多。
