【明報專訊】自從世界衛生組織喺今年初正名「新型冠狀病毒肺炎」後，建制派議員喺立法會內多番批評泛民仍然稱之為「武漢肺炎」，認為有地域歧視。立法會議員毛孟靜噚日喺facebook話，收到市民報料，指經民聯立法會議員梁美芬喺工作報告入面寫上「武漢肺炎」。梁美芬就回應話，份報告喺今年1月寫嘅，當時世衛仲未為病毒正名。毛孟靜就話，梁美芬都係「堅持講武漢肺炎」，仲話佢都係用立法會資源去出工作報告。
