【明報專訊】港區全國人大代表鄭耀棠久未露面，上年因為身體抱恙缺席「兩會」，佢噚日現身工聯會記者會，睇落精神唔錯，但就清減咗。佢話今年會上兩會，身體狀况「ok」，有做運動；問到之前係咪休養所以冇露面，佢話「無話休唔休養」。講起今年兩會採「閉環式」管理，人大代表食飯都可能要留喺酒店房，棠哥笑言「可以整嗰啲送飯機械人」。
