【Emily】關心竹君工時 陳沛然叫署長開記招

【明報專訊】衛生署衛生防護中心傳染病處主任張竹君連續72日開疫情記者會，醫學界議員陳沛然噚日喺立法會衛生事務委員會話，留意到張竹君連續返工咁多日，問究竟張竹君嘅工作安排係點。衛生署長陳漢儀話衛生防護中心同衛生署同事非常齊心，每日都有分工，陳沛然反駁話，話「就係分工有問題，先會有一個人無得休息，日日出嚟」，仲話陳漢儀同衛生防護中心總監黃加慶有責任坐落去開疫情記者會，咁張竹君就可以休息一日。