【明報專訊】新冠病毒襲港，過千人受感染，公院醫護同支援人員喺最前線抗疫，近4個月默默工作、付出。本報攝影記者走訪瑪麗、威爾斯、瑪嘉烈等龍頭醫院病房，觀察疫境之下，醫護悉心照顧病人嘅點點滴滴：有醫護連續3個月留守dirty team；有醫護因長戴口罩，臉頰留下條條壓痕；也有醫護因經常洗手同用酒精搓手液而雙手破損，佢哋不求大眾讚賞，只望大家喺疫情吃緊時留家防疫，免醫療系統崩潰。
