【Emily】習近平瓷碟 曾國衞話係佈置

【明報專訊】5個新局長噚日先後喺立法會見傳媒，分享上任心情。新任政制及內地事務局長曾國衞喺入境處時，辦公室當眼位置放咗印有國家主席習近平肖像嘅瓷碟，有記者問佢係咪「表忠」，佢回應話係「辦公室佈置」，叫大家唔使過度解讀。至於工作包括推廣《基本法》嘅民政事務局長徐英偉，噚日畀記者考佢基本法有幾多條文，但佢冇回應到。