【明報專訊】今屆中學文憑試（DSE）考生經歷不平凡嘅一年，要喺疫情下應試，格外緊張。一班區議員就向元朗或天水圍考生派發口罩打打氣，每人可領取10個。聽元朗區議員張秀賢（Tommy）講，今次獲「向上游教育慈善基金」捐贈1萬個口罩，佢話自己同創辦人梁賀琪（June Leung）相識一段時間，對方希望送口罩畀DSE考生，託佢哋分發。
