【Emily】陳淑莊聚酒吧開會 建制議員聯署促道歉

【明報專訊】公民黨立法會議員陳淑莊早前同幾十人喺一間落半閘嘅酒吧開會，被質疑違反「限聚令」，風波未止，41名建制派議員噚日發表聯署聲明，要求陳淑莊向公眾道歉，政府亦要依法跟進陳淑莊及當日涉嫌違法嘅人。建制派又「強烈譴責」現時主持內會嘅公民黨郭榮鏗濫權，指內會上年10月至今開咗14次會但仲未選出主席，影響立法會工作。