【明報專訊】立法會因應疫情關係，唔少會議都取消，但噚日仍然舉辦特別財委會，等官員可以回應議員有關財政預算案嘅提問。立法會秘書處都好緊張衛生狀况，做咗唔少防疫措施，包括每次官員回應完議員提問後，清潔姐姐都會即刻抹枱櫈。此外，記者喺會議室內要隔位坐，中間座位貼上「保持社交距離，此座位留空」嘅紙張提醒；會議室外嘅兩張記者工作枱，平時本來合併一齊，噚日都分開，每張枱較少記者一齊坐。
