【Emily】內會研保安唔抬建制派之謎 郭家麒：何議員多白衣友，難怪擔心

【明報專訊】內會噚日第13次會議仍然未選出主席，民主派議員提出上次會議保安執行職務問題，話保安員唔抬走畀會議主持公民黨郭榮鏗（圖）逐離場嘅建制派議員。公民黨郭家麒話，內會選舉主席要公平公正，如果有議員可以喺位叫囂，甚至可以行出主席台，係好危險嘅事。郭家麒形容上次走到主席台鬧郭榮鏗嘅建制派議員何君堯唔係普通人，喺元朗7．21事件中見佢有好多「白衣朋友」，難怪保安會擔心。