【明報專訊】佔中發起人、中大社會學系退休副教授陳健民（KM）上周六出獄，噚日接受網台D100訪問時透露工作計劃，話目前想寫書，包括將獄中書簡結集出版，希望今個月內整理好書稿、封面設計；另一本書主要係審訊前佢喺中大「最後一課」嘅內容。KM亦自言有責任將2013年佔中醞釀，直到佢入獄嘅回憶記錄低，話過往本土派、民主派互相攻擊令佢心痛，所以一直擱置，但反修例運動強調「兄弟爬山」，令佢有力量寫番。
