【明報專訊】盤踞沙田多年嘅建制派組織「公民力量」，最近去信全體區議員，呼籲佢哋因應疫情衝擊，自願減薪，與民共渡時艱，仲附上一張「自願減薪承諾書」，可以揀減薪3%以下 、 3%至6% 、 6%至10%，或者10%以上。不過信中無具體提出減咗嘅人工用嚟做乜，只係話可以「令抗疫工作力趨完善，為市民打氣」，唔通巿民見到有人減人工會好振奮？有收到信嘅民主派區議員反駁，因政府無能，區議員要墊支訂口罩、貼運費，執政府嘅爛攤子，批評係官員做唔到嘢，但有人竟然叫區議員減薪。
