【明報專訊】立法會內會噚日召開第13次特別會議，但仍未選出正副主席，緊接舉行財委會會議。主持內會嘅公民黨郭榮鏗（Dennis）過咗會議原定結束時間，仍然畀民主黨尹兆堅發言，引嚟財委會主席陳健波不滿，喺席上批評 Dennis冇準時交還會議室，Dennis話佢叫囂，命令佢馬上離開會議室；何君堯加入批評Dennis，同樣畀Dennis話佢喺位叫囂，逐離會議室。不過何君堯唔聽，更拍枱大叫「出去豬兜（咪兜）度講嘢啦豬兜」，衝出主席台批評Dennis濫權。民主派不滿保安冇抬走何君堯，話同對待民主派嘅做法有別。