【Emily】阿涂質疑政府偏頗 工聯用葡萄反擊

【明報專訊】「我係特首呀！」特首林鄭月娥前日到訪工聯會做接線生，事件有餘波，變成民主黨涂謹申同工聯會隔空罵戰。阿涂質疑政府偏頗資助部分港人透過「個別組織」免費寄藥到內地，其他人寄藥就要自己付郵費，質疑特首只是想幫個別團體做選舉工程。工聯會黃國健批評阿涂「吃不到的葡萄是酸的」，工聯會議員噚日開財委會時，仲將一串青葡萄放喺阿涂座位，阿涂當時唔喺位，其後立法會職員拎走串提子。