【Emily】民建聯捐300萬 設基金助失業家庭

【明報專訊】政府上周宣布特首、問責官員同埋行會成員會捐出一個月人工後，民建聯亦話13個立法會議員合共捐出300萬元，噚日佢哋宣布會用呢筆錢成立「愛心基金」，向因疫情而失業、處於水深火熱嘅家庭發放一筆過現金津貼。300萬元除開13個議員，平均每人23萬元，多過兩個月議員人工，不過，被問到每個議員各自捐咗幾多錢，主席李慧琼（Starry）就唔肯講，話大家捐款係「由心出發」，唔想畀壓力個別黨員。