【Emily】反醫護罷工工會 會員只有17人？

【明報專訊】面對武漢肺炎，醫管局員工陣線噚日起罷工5日，「香港醫療人員總工會」前日公開呼籲唔好罷工，但該會會員人數受質疑。職工盟總幹事蒙兆達噚日話，根據2018年嘅香港職工會統計年報，香港醫療人員總工會只得17名會員。Emily噚日問過工會秘書謝先生，對方話因為工會由14間成員工會所組成，年報嘅17人，就係各個成員工會嘅負責人同理事咁話。