港聞

港聞二

【Emily】柯創盛「扮師傅」寫揮春

【明報專訊】年近歲晚,唔少雙料議員都返選區擺檔寫揮春。民建聯柯創盛(左)噚日都即席揮毫,但柯仔都自知書法水平,笑言都係玩吓,只係老街坊盛情,先敢題字送上祝福,其實佢請咗專業嘅師傅幫手,所以自己只係「扮師傅」。佢話今年特別多街坊要求寫「出入平安」、「身體健康」,亦有唔少長者話要幫孫仔孫女寫「學業進步」。佢同街坊傾偈,話特首林鄭月娥早幾日提出100億元民生政策,市民歡迎呢啲措施,但佢哋最關心嘅唔係政府呢啲恩惠,而係香港幾時可以走出困局、幾時可以恢復平和喎。

上 / 下一篇新聞