【明報專訊】噚日元旦大遊行期間，除咗多個工會呼籲市民加入，亦有人銳意攻陷立法會飲食界功能組別。本身經營火鍋店嘅林瑞華（Gordon，圖右）就喺遊行隊伍招募義工，以呼籲食店持牌人登記做選民。Gordon向Emily表示，過往立法會選舉中，飲食界建制、泛民得票看似懸殊，但其實一半登記選民都冇投票；此外香港有逾萬食肆，以至街市攤檔都可以登記做選民，認為票源有好大潛力增加，希望多啲義工呼籲佢哋登記做選民，令選情逆轉。Gordon又話，現時網上有黃藍店嘅地圖，較容易搵到支持民主派嘅店舖，目標係新增5000名選民咁話。現時該界別有4408名選民。