【明報專訊】薛家燕主持無綫節目《新春開運王》走訪不同地方，今晚播出她與周志康、宋宛穎前往揀燕窩。她爆大女曾一餐煮晒成屋的燕窩，「有一年我生日，那時女兒珊珊（石祐珊）好細個，可能見媽咪工作辛苦，想煮燕窩畀我食，點知她裝畀我碗燕窩，啲燕窩多到好似食緊燕窩羹咁，原來她將我全屋的燕盞一次過煮晒，那時買都要幾萬蚊㗎。我足足食了兩個月，雖然這樣，但個女都是惜我，我都心甜。」
