【明報專訊】王師奶給一句成語困擾了30多年，那就是「人不為己，天誅地滅」。一般成語都是導人向善，講人生道理，不似這句教人自私，甚至招致天誅地滅這麼嚴重。這句「人不為己，天誅地滅」好流行，好多人講，而且仲講得理直氣壯。王師奶第一次聽這句話是小學三年級，一位教算術的女教師，她在什麼情况說這句話不記得了，印象中她整天苦口苦面，好似成個世界得罪咗佢咁。直到中學，鼓起勇氣問教中文的林sir，點解有個教人自私的成語。阿sir的解釋令16歲的女孩好失望，他說：「人係自私嘅，保護自己係本能，你自己都唔保護自己，不為自己打算，鬼可憐你呀！」嘩！佢係阿sir我唔係，連阿sir都咁講，只有點頭稱是，但內裏卻滿腹疑團。
