【明報專訊】網名雞丁的中二生Ray Chan憑一曲《武漢肺炎》，改編Dynamite填上廣東話歌詞，以未踏入青春期的聲線搞鬼地rap住唱出抗疫心聲，「我仲後生我唔想好快死／個個驚你／小心啲喂」，MV在上載近兩周後不明所以突然竄紅。有人轉發時感慨香港中學生「朗咩誦丫，以後rap好過啦」，又有老師揚言「如果係我學生，堂上我會唱一次畀佢聽。對童心同創作力致敬！」聯絡雞丁，數小時後仍未見回覆，我再引用歌詞，補兩句rap，「呢兩日可以出來傾傾，食得芝士，仲有VLT」，終於以誠意打動他。問雞丁幾時得閒？他說停課期間都要跟足學校時間表網上上課。放學呢？他要隨即跟泳隊做「陸上運動」操練。有網民看了他的片，笑問他是不是停課太得閒。這絕對不是事實。