【明報專訊】逆權運動，警察和市民成對立面，動手兼動口，有警察叫市民做曱甴，有市民叫警察做「毅進仔」。相嗌唔好口，嗌得性起，乜嘢都噏得出，每一個字，每一個詞，鋒利無比，刺入心，痛過黃蜂尾上針。鬧人哋曱甴、木虱、老鼠、蝗蟲，王師奶無乜感覺，但聽到有人鬧警察是「毅進仔」，小婦人就好有反應。當然明白「毅進仔」的含義，意指讀書唔叻，考試唔及格。考完DSE，入唔到公立大學，連副學士都唔收，最多只能讀毅進，講句最刺人的話，即係話毅進仔係籮底橙。 相關字詞﹕教育制度 警察 反修例運動 名人KOL 王師奶 毅進仔 論盡教育
