【明報專訊】好心有好報？話說理想汽車（2015）老闆李想喺社交媒體發文，話原來理想i8發布會原定喺27日舉行，點知啱啱遇着剛剛，小米（1810）雙Ultra發布會又係27日，真係撞晒車。於是乎兩家同業坐低摸摸酒杯底傾下偈。
李想：免外界誤會 選擇讓路
「為感謝雷總在過往對我們的幫助，同時也避免外界的誤會，經和小米溝通後，我們選擇為發布會讓路。」李想又預祝小米SU7 Ultra大賣！於是噚日理想就舉行咗i8發布會，有禮有回報？理想噚日股價便急升12.52％，係表現最佳藍籌股。
講笑啫，其實都係關i8事，噚日理想喺微信帖文宣布，推出首款純電動車SUV（運動型多用途車）「理想i8」。官方圖片顯示，外觀用咗同「MEGA」類似嘅「子彈頭」設計，而車尾設計就接近「理想L9」。
