經濟

小琴密語

投資策略

國泰員工將獲派至少4星期花紅

【明報專訊】最近香港航空界最大粒花生莫過於大灣區航空遲收飛機卻又早早賣票,導致2月至3月將會停飛128班次,韓國首爾航線仲收埋檔。另一邊廂,香港快運噚日宣布將於今年4月3日復飛來往香港與越南芽莊航線,每周4班;同時國泰(0293)將向員工派發至少4個星期花紅。

香港快運話今次復飛芽莊航線係公司第四個越南航點,亦係全港唯一直航到芽莊嘅航班。翻查資料,香港快運定期航點約有30個,而去年底行政總裁毛潔瓊向記者表示公司機隊將會增加到40架客機。

快運4月3日復飛香港芽莊航線

至於大灣區航空只有8架客機,但就營運12個航點;唔知呢個「初生嬰兒」幾時先長大,令大家可以安心呢。

林紹波:團隊規模增 利潤需分畀更多人

另一方面,國泰行政總裁林紹波向全體員工發內部通訊指出,2024年度嘅利潤分享計劃(PSS)將會喺3月中同2024年度業績一齊公布。但過去一年,由於團隊規模顯著增長,所以利潤分享嘅資金池將有需要分畀更多人。不過,佢向員工強調,今年點都有至少4個星期薪金作花紅。

email: financepage@mingpao.com

[小琴密語]

相關字詞﹕

上 / 下一篇新聞