【明報專訊】特首李家超喺《施政報告》提出調低烈酒產品稅率，長和（0001）旗下屈臣氏酒窖就話響應政府，支持《施政報告》嘅振興經濟計劃。由即日起佢哋將一系列精心挑選嘅優質烈酒減價。
今次佢哋大幅下調超過100款售價1000元以上嘅優質烈酒價格，部分酒品減價超過20%，精選酒品減價近60%，仲話包括不同熱門品牌Cognac Tesseron、麥卡倫同馬爹利等。
佢哋仲話，響應烈酒減稅嘅利好舉措，將會喺下年推出專門提供優質烈酒概念店，仲話預計未來3年烈酒品類市場份額可增長25%。屈臣氏酒窖董事總經理Jeremy Stockman話，樂見烈酒減稅，歡迎政府最新嘅烈酒政策，仲講到，調低稅率唔單止惠及顧客，對整個行業都大有裨益。憑藉減價同投資創新嘅烈酒零售概念店，屈臣氏酒窖將同業界攜手合作，幫助香港成為高端烈酒樞紐。
[小琴密語]
相關字詞﹕長和 屈臣氏酒窖 jeremy Stockman 馬爹利 麥卡倫
