【明報專訊】話說行政長官李家超噚日公布新一份《施政報告》，包括開拓中東及東盟旅客客源，鼓勵的士車隊用阿拉伯語提供車隊服務資訊，即刻引起咗社會巨大迴響。本港富商大劉嘅大仔、曾經係海洋公園主席嘅華置（0127）非執董兼主席劉鳴煒，噚日亦都喺Ig post story，轉發咗有關新聞話「呢個就係我每星期用7個鐘學阿拉伯語嘅原因」，之後亦再出多個story將「我唔過海」翻譯成阿拉伯語，唔知佢係咪方便將來的士大佬們「婉拒客戶」時用？ 相關字詞﹕小琴密語 華置 的士服務 的士司機 過海 施政報告 的士 阿拉伯語 大劉 劉鳴煒
